CASCFEN Türkiyä jurnalistlärinä etiraz edir

Bakı, CASCFEN, 13.05.2014 – Orta Asiya vä Güney Qafqaz Söz Azadlığı Şäbäkäsi (CASCFEN) Türkiyä Jurnalistlär Federasiyası (Türkiye Gazeteciler Federasyonu – TGF) başqanlar toplantısının Gürcüstanın ärazisi olan bölücü Abxaziyada keçirilmäsinä etiraz edir.

Bu haqda açıqlamanı CASCFEN başqanı Azär Häsrät verib. O, bildirib ki, başçılıq etdiyi qurum Türkiyä Jurnalistlär Federasiyası başqanlar toplantısının bu il mayın 8-13-ü arası qonşu Gürcüstan Respublikasına aid olsa da Rusiyanın dästäyilä bu ölkädän qopardılmış, lakin müstäqil subyekt kimi beynälxalq aläm täräfindän tanınmayan Abxaziyada keçirilmäsini üzüläräk öyränmişdir. Mediada yayımlanan xäbärlärdä deyilir ki, TGF-nin öz toplantısını bu bölücü bölgädä keçirmäsi Abxaziya täräfinin däväti äsasında olmuşdur.

Azär Häsrät

Azär Häsrät

Azär Häsrät bildirib ki, Türkiyänin milli bir täşkilatının öz toplantısını yurd dışında, hälä bir bölücü bir bölgädä keçirmäsinä anlam verä bilmir. “Biz TGF-nin öz toplantısını bu bölgädä keçirmäsini anlamaqda çätinlik çäkirik. Abxaziya bir Türk bölgäsi deyil, TGF ilä här hansı hüquqi bağlılığı yoxdur vä üstälik dä bu bölgäni dünya müstäqil subyekt kimi tanımır. Belä olan halda Türkiyäli jurnalistlärin bu tädbiri orda keçirmäsini anlamaq asan deyil”, – deyä Azär Häsrät qeyd edib.

CASCFEN başqanı onu da älavä edib ki, qondarma Abxaziya rejimi Ermänistanın işğalı altında olan Azärbaycan torpaqlarında elan edilmiş qondarma Dağlıq Qarabağ rejimilä dä yaxından işbirliyi edir vä belä olan halda TGF tämsilçilärinin häräkäti ikiqat üzücüdür. “Azärbaycan torpaqlarının işğalına haqq qazandıran bir rejimin näzaräti altındakı bölücü bölgädä toplantı keçirän Türkiyäli jurnalistlär bu häräkätlärilä bütün Türk dünyasına xäyanät etmişlär”, – deyä o, bildirib.

Azär Häsrät TGF-nin qondarma Abxaziya jurnalistlär birliyilä işbirliyi razılaşması imzalamasına da etiraz edäräk Türkiyä jurnalistlärini olaya täpki vermäyä çağırıb.

CASCFEN Mätbuat Xidmäti

Oxunma sayı: 895
Share